الرئيسيةاليوميةس .و .جبحـثالأعضاءالمجموعاتالتسجيلدخولالدخول

شاطر | 
 

 الحجاب والفيمنيزم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
zizi

avatar

انثى
العمر : 22
العقرب
الكلب
عدد المساهمات : 110

مُساهمةموضوع: الحجاب والفيمنيزم   الأربعاء أبريل 09, 2014 6:02 am

النهاردة في حصة الفلسفة كان فيه بنت بتعمل بريزنتيشن عن الفيمينزم.
بعد ما خلصت واتكلمت عن اولى الحركات وتاريخ الفيمينزيم ولد سألها "والإسلام اللي بيفرض على المرأة انها تغطي نفسها ووشها بطريقة معينة رد الفيمينزم على الموضوع دة ايه؟"
بصراحة البنت ردها كان قوي وواضح قالتله "ما دام دة اختيارها دة بيتوافق مع اللي الفيمينزم بتنادي به، ان المرأة تبقى ليها الحرية انها تختار اللي هي عايزاه، من غير ما حد يتحكم فيها، لأن في بنات كتير مسلمين بيختاروا انهم ميلبسوش حاجة"
الولد سكت
وانا سكتت وحسيت اني منتمية للكلام دة ولازم اقول حاجة بأي شكل من الأشكال. بس مقدرتش اقول حاجة وقتها وكنت بحاول استوعب كل حاجة في عقلي وارتب الكلام.
وبعدين لما رجعت البيت الموضوع كان شاغلني طول الوقت وحسيت اني متضايقة اني مردتش عليه وقتها وقلت اللي نفسي فيه
بس الحجاب اختيار.. وزيه زي اي واحدة بتختار انها تلبس شورت
كلهم في حالة واحدة، حالة حرية الإختيار سواء اختارت انها تغطي وشها او تكشف جسمها
المشكلة ان فيه ناس كتير فاكرين ان الحجاب فرض، الفكرة اللي الناس عايشة بيها من ساعة ما بتتولد لغاية ما تموت ان كل حاجة في حياتها فرض بتخليم يكرهوها.
الدين مش فرض، ولا الحجاب فرض، ولا اي حاجة فرض.
انت فكر وبعدين اختار، ومفيش حد هيمسكك من رقبتك ويقتلك
والجسم مش عورة، اي حد بيختار انه يغطي جسمه بيكون لسبب اكثر منطقية من انه يشوف نفسه عورة
تبقوا تشوفوا دة
الستات مش عورة والرقص مش حرام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Føfä

avatar

انثى
الموقع : NS, Canada
العمر : 22
العقرب
الكلب
عدد المساهمات : 97

مُساهمةموضوع: رد: الحجاب والفيمنيزم   الأربعاء أبريل 09, 2014 7:01 am

أنا مع فكرة إن الجسم عموماً مش عورة، و خصوصاً لو حاجة من الجسم مش بتثير غرائز جنسية زي الشعر أو الذراع.

أنا فعلاً أنتمي للفكرة دي جداً.

و برضو شايفة إن أي واحدة حُرة تعمل إللي هي عاوزاه، حتى لو عاوزة تمشي عريانة في الشارع، هي حُرة ما دام إختارت ده، و لذلك برضو مش عندي أدنى مشكلة مع المحجبة إللي بتختار إنها تلبس حجاب -سواء علشان إعتقادها إنه فرض أو أي سبب شخصي ثاني-.

و مش شايفة إن أي حد على وجه البسيطة ليه الحق إنه يحكم عليها إنها "مُقيّدة" أو "مش واخذة حريتها" أو "دينها مخليها عورة"، لإن مش كُل محجبة مفروض عليها الحجاب، فيه محجبات كثير مقتنعين بيه و لابسينه من نفسهم مع إن كان قدامهم إختيار "يا بنتي إنتي لسة صغيرة، متأكدة إنك عاوزة تعملي كدة ؟".

في رأيي، لبس الحجاب أو خلعه أو عدم لبسه من الأساس، ده شيء يتطلب شجاعة كبيرة جداً خصوصاً في المجتمعات العربية أكثر من مجتمع زي كندا مثلاً.

شجاعة لمواجهة الناس و المجتمع إللي هيفضلوا يحكموا على البنت على أساس قرارها، شجاعة إنها تقنع أصحابها في المدرسة إنها إللي إختارت تتحجب و أهلها مش غصبوها عليه، و شجاعة إن فُلانة تقول لأهلها و المجتمع إنها مش شايفة نفسها في الحجاب و مش قادرة تحسه و تواجه تبعات قرارها ده بكُل ثبات، و شجاعة كبيرة برضو في إنها تقنع الناس إنها مش محجبة لمجرد إنها عاوزة كدة، مش علشان "تصطاد عريس" و لا علشان "هي مش محترمة" و لا أي خراء من ده.

بس الشجاعة الوحيدة إللي مطلوبة في بلد أجنبي هي إنها تتقبل واقع إن مش فيه حد هيحكم عليها لمجرد إنها محجبة/مش محجبة/سابت الحجاب.

و ده لو دل على حاجة فهو بيدل على قد إيه إحنا مجتمع -مش الدين- سطحي بحت، بندعي إننا إدينا الست حريتها و إحنا أول حاجة بنعملها هي إننا ننفي حريتها دي بالتوقعات الكثير إللي بنحطها عليها.



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
kamaladh

avatar

ذكر
الموقع : Egypt - gizah
العمر : 23
العذراء
الكلب
عدد المساهمات : 178

مُساهمةموضوع: رد: الحجاب والفيمنيزم   الأربعاء أبريل 09, 2014 11:55 am

بعيدا اني متفق معاكو في حوار الحرية ده . 
بس خلينا نتكلم بشكل واقعي .. متجيش تكلموني عن حرية اختيار وانت طول الوقت بتقدملي اتجاة اوحد لحقيقة ما ، يعني متجيش تقولي دي لبست الحجاب مبزاجها واهلها ملبسوهاش بالعافيه وانت من اول ما اتولدت وانت بتفهمها ان الاسلام صح وان الحجاب من الاسلام وانه فرضه وتيجي لما تختار تلبسه ( علشان هو فرض وعلشان تتبع دينا الي انت مربيها عليه ) تقول انه كان اختيار ... الحرية هي حرية اختيار من بدائل . 
قدم البدائل ولما تختار اقدر اقول عليك اخترت بحرية

_________________



يااااااااااااااااااااااااااااااااااارب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
zizi

avatar

انثى
العمر : 22
العقرب
الكلب
عدد المساهمات : 110

مُساهمةموضوع: رد: الحجاب والفيمنيزم   الأربعاء أبريل 09, 2014 8:55 pm

kamaladh كتب:
بعيدا اني متفق معاكو في حوار الحرية ده . 
بس خلينا نتكلم بشكل واقعي .. متجيش تكلموني عن حرية اختيار وانت طول الوقت بتقدملي اتجاة اوحد لحقيقة ما ، يعني متجيش تقولي دي لبست الحجاب مبزاجها واهلها ملبسوهاش بالعافيه وانت من اول ما اتولدت وانت بتفهمها ان الاسلام صح وان الحجاب من الاسلام وانه فرضه وتيجي لما تختار تلبسه ( علشان هو فرض وعلشان تتبع دينا الي انت مربيها عليه ) تقول انه كان اختيار ... الحرية هي حرية اختيار من بدائل . 
قدم البدائل ولما تختار اقدر اقول عليك اخترت بحرية
مش شايفة ان فيها حاجة ان الطفل يتربى على حاجة من وهو صغير، اصل انت مش هتفتحله كتاب وتفهمه كل الاديان وتقوله اختار انت بقى.. مفهاش حاجة لما يتربى على حاجة معينة وبعدين لما يكبر يفكر في كذا حاجة مختلفة طالما حرية الاختيار موجوة يبقى مفيش قمع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
kamaladh

avatar

ذكر
الموقع : Egypt - gizah
العمر : 23
العذراء
الكلب
عدد المساهمات : 178

مُساهمةموضوع: رد: الحجاب والفيمنيزم   الأربعاء أبريل 09, 2014 9:04 pm

zizi كتب:
kamaladh كتب:
بعيدا اني متفق معاكو في حوار الحرية ده . 
بس خلينا نتكلم بشكل واقعي .. متجيش تكلموني عن حرية اختيار وانت طول الوقت بتقدملي اتجاة اوحد لحقيقة ما ، يعني متجيش تقولي دي لبست الحجاب مبزاجها واهلها ملبسوهاش بالعافيه وانت من اول ما اتولدت وانت بتفهمها ان الاسلام صح وان الحجاب من الاسلام وانه فرضه وتيجي لما تختار تلبسه ( علشان هو فرض وعلشان تتبع دينا الي انت مربيها عليه ) تقول انه كان اختيار ... الحرية هي حرية اختيار من بدائل . 
قدم البدائل ولما تختار اقدر اقول عليك اخترت بحرية
مش شايفة ان فيها حاجة ان الطفل يتربى على حاجة من وهو صغير، اصل انت مش هتفتحله كتاب وتفهمه كل الاديان وتقوله اختار انت بقى.. مفهاش حاجة لما يتربى على حاجة معينة وبعدين لما يكبر يفكر في كذا حاجة مختلفة طالما حرية الاختيار موجوة يبقى مفيش قمع
تقدري تربيه علي قناعتك بشرط انك تفهميه طول الوقت ان مش لازم الي اتربيت عليه يكون صح وانه من حقه يتمرد علي الي اتعلمه . بس للأسف ده مبيحصلش في الاغلب ...

_________________



يااااااااااااااااااااااااااااااااااارب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الحجاب والفيمنيزم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: لخبطه :: قسم اللت-
انتقل الى: